أهلًا بيك، أنا أحمد سامي.
عملت في صناعة المحتوى بداية من 2018، وانتقلت لمجال تصميم تجربة المستخدم في 2023.
خلال عملي كصانع محتوى، قدمت مقالات فنية، تحليلية، ثقافية، وغيرها. كمان تخصصت لفترة طويلة في كتابة الأخبار اليومية في مجالات زي الاقتصاد والفن. وكذلك ليا خبرة في كتابة محتوى السوشيال ميديا من بوستات ومحتوى كتابي للتصميمات.
عملي في المجال الفني أهلني أني أكون ضيف في إحدى حلقات برنامج "سيني فيو" على قناة نايل سينما المصرية بالتلفاز المصري بعام 2020. كان اللقاء في مبنى ماسبيرو، واتشرفت بالمذيعة نانسي إبراهيم في الحوار، وكان موضوع الحلقة عن تطور ألعاب الفيديو على مر العصور.
وخلال عملي كمصمم تجربة مستخدم - UX، اتعرفت على مفهوم "حاجات العميل"، وأزاي أقدر ألبيها له بالشكل اللي هو محتاجه، دونًا عن سواه، وده عن طريق التحدث إليه، تحليله، وفهم مشكلته على مستوى أعمق، وفي النهاية صنع نسخة طبق الأصل منه أقدر أستخدمها في شغلي.
حاليًّا بسعى لتعلم مجالات مرتبطة بتخصصي، زي تصميم واجهات المستخدم - UI والتسويق الرقمي باستخدام Meta Business Suite.