المشاريع
حساباتي - Hesabaty
تمهيد مناسب
حساباتي برنامج متخصص في إدارة التعاملات المالية للفرد على مستوى يومي. يعني مش بس متابعة أرصدة، بل كمان تحديد ومتابعة نفقات فرعية زي البنزين والأكل وخلافه. وعشان كدا كان لازم عملية التمهيد - Onboarding تكون شارحة ده كويس، وأنا حرصت الـ 3 صفحات بتوع التمهيد يخرجوا المستخدم بالحقائق دي: أحنا في جيبك كل يوم - بدوسة تسجل وتتابع - هنساعدك تحوش بسهولة.
متابعة البنك والكاش بسهولة
هنا تم الوضع في الحسبان أفضل تطبيق في السوق للربط مع البنوك: "انستا باي". وببساطة، تم استخدام نفس الآلية السلسة للغاية دي، لكن مع دمجها في الصورة الشاملة. انستا باي بيهتم بالتعاملات البنكية، لكن احنا دي بالنسبالنا جزء من المعادلة بس. عشان كدا مش بنربط بنك فقط، بل كمان بنقوله يدخل الكاش اللي في جيبه، ومعاه وسيلة الدفع المفضلة. عشان مش ضروري يستخدم نفس الحساب البنكي في الدفع.
إشعارات وعروض
أنا لقيت أن العروض في العادة بتكون مهملة لما تتحط في شريحة لوحدها، فقررت الأفضل أنها تتعمل Push Notifications وتتقسم حسب البنك أو المتجر المقدم للعرض ده. وكملحوظة إضافية في التنفيذ، ممكن يتعمل خوارزمية معينة تدرس سلوك العميل بحيث ترشحله المناسب له دائمًا.
